|
|
بے دین معاشرہ میں پردہ کی مخالفت کا اصل راز نظارہ بازی کا مبادلہ ہے شوہر کو بیوی پر قناعت نہیں اور بیوی کو شوہر پر قناعت نہیں ، مرد بیوی اور بیٹیوں کو اس لئے پردہ نہیں کرواتا کہ پھر دوسرے بھی اس سے پردہ کروائیں گے ، تو یہ لذت دیدار سے محروم ہو جائے گا ، علاوہ ازیں بیوی اور بیٹیوں کے اس اعتراض بلکہ احتجاج سے بھی ڈرتا ہے کہ خود تو ہر وقت نئے سے نئے مزے اڑا رہا ہے اور ہمیں ان لذتوں سے روک رہا ہے ۔ بے دین عورتیں بھی اسی لئے پردہ کی مخالف ہیں کہ وہ مختلف مردوں سے نظر بازی کی لذت سے محروم ہو جائیں گی ، نامحرم مرد و عورت ایک دوسرے کو دیکھ دیکھ کر ہی پانی بہانے لگتے ہیں جس کی وجہ سے شہوت بہت تیز ہو جاتی ہے اور جنسی قوت تباہ ہو جاتی ہے ۔ دنیا میں یہ کتنا بڑا عذاب ہے اور آخرت کا عذاب تو بہت ہی بڑا ہے ۔
ایسی شرمناک حقیقت اس لئے بتا رہا ہوں کہ شاید کسی کو شرم آجائے اور ایسی بے شرمی سے توبہ کر کے دنیا و آخرت کے عذاب سے بچ جائے ۔ واللہ ! دل پر پتھر رکھ کر بتا رہا ہوں ۔ ایسی بے حیائی کی باتیں میں از خود نہیں کہہ رہا بلکہ بے دین اور بے حیا معاشرہ مجھ سے کہلوا رہا ہے ،یہ بے حیائی دیکھ کر میرے دل میں درد اٹھتا ہے جو ایسی باتیں بتانے پر مجبور کر رہا ہے کہ شاید یہی کسی کی ہدایت اور دنیا و آخرت کے عذاب سے نجات کا ذریعہ بن جائے ، میں تو زبان سے بتاتے ہوئے شرم و حیا سے پانی پانی ہو رہا ہوں مگر آج کے مسلمان کو ایسی بے حیائی کے کام کرنے سے بھی شرم نہیں آتی ۔ فکر آخرت نہیں تو کم از کم کچھ انسانی غیرت اور شرم و حیا ہی ہوتی ۔ یا اللہ ! تو ہی قوم کو ہدایت دے ۔
چند اشکال اور ان کے جواب :
آخر میں پردہ کے بارے میں عام پیدا ہونے والے کچھ اشکلات کے جوابات بھی سمجھ لیجئے :
N.W.F.P PAKISTAN