|
|
( 7 ) بعض لوگ کہتے ہیں کہ ہم رشتہ داروں کے ہاں جاتے ہیں تو ہمارے کہنے کے باوجود غیر محرم رشتہ دار عورتیں ہمارے سامنے آجاتی ہیں ، ہم سے پردہ نہیں کرتیں ۔
یہ حضرات پہلے تو یہ سمجھ لیں کہ پردہ عورت پر فرض ہے ، مرد پر فرض نہیں اس لئے اگر عورتیں بے پردہ سامنے آتی ہیں تو وہ عورتیں گناہ گار ہیں مرد پر کوئی گناہ نہیں ، ایسی صورت میں ان ہدایات پر عمل کریں :
( 1 ) اپنی نظر نیچی رکھیں ۔
( 2 ) بلا ضرورت غیر محرم عورت سے بات نہ کریں ۔
(3 ) ایسے مواقع میں پردہ کی اہمیت بیان کیا کریں ، اس میں ایک فائدہ تو یہ ہو گا کہ آپ نے فرض تبلیغ اداء کردیا ، دوسرا فائدہ یہ کہ شاید ان عورتوں کو آپ کی تبلیغ سے ہدایت ہوجائے تو آیندہ کے لئے ان گھروں میں آپ کی آمدورفت میں سہولت ہوجائے گی ، آپ کے سامنے غیر محرم عورتیں نہیں آئیں گی ، خدانخواستہ ان کو ہدایت نہ بھی ہوئی تو کم از کم اتنا فائدہ تو ہوگا ہی کہ آپ کے سامنے آنے سے شرمائیں گی ، انسان کا طبعی خاصہ ہے کہ وہ غیر کے سامنےایسی حالت میں جانے سے شرماتا ہے جو اس غیر کو ناپسند ہو ، بہت سی عورتیں عوام بلکہ فساق و فجار تک سے پردہ نہیں کرتیں مگر علماء و صلحاء سے پردہ کرتی ہیں ، اس کی وجہ یہ ہے کہ علماء و صلحاء بے پردگی کو برا سمجھتے ہیں ، اس لئے یہ عورتیں ان کے سامنے بے پردہ آنے سے شرماتی ہیں ، آپ اپنے قول و عمل سے یہ ثابت کردیں آپ بے پردگی کو برا سمجھتے ہیں تو اس کا اثر یہ ہوگا کہ غیر محرم عورتیں آپ کے سامنے آنا چھوڑ دیں گی ، یہ نسخہ بہت مجرب ہے میں نے کئی لوگوں کو بتایا انہوں نے اس پر عمل کیا تو ان کو غیر محرم عورتوں سے نجات مل گئی ۔
N.W.F.P PAKISTAN