|
|
ومن الناس من یتخذ من دون اللہ اندادا یحبونھم کحب اللہ والذین امنوا اشد حباللہ۔(2 ۔ 125 )
''بہت سے لوگ دنیا میں ایسے ہیں جن کو اللہ تعالی کی بنسبت غیر سے زیادہ محبت ہے اور ایمان والوں کو اللہ تعالی کے ساتھ سب سے زیادہ محبت ہے۔''
بڑی ہی اچھی اور بہت مفید بات اللہ تعالی نے کہلوا دی، ذرا اپنے ایمان کا محاسبہ کر لیجئے،فرمایا انہوں نے بہت سے اللہ بنا لئے ہیں، اور ان کے ساتھ ان کو محبت ہے، مگر جن کا اللہ تعالی پر ایمان ہے وہ اللہ تعالی کے ساتھ پوری دنیا کی بنسبت زیادہ محبت رکھتے ہیں،اب سوچئے !جو لوگ یہ کہتے ہیں کہ ہم شریعت کے مطابق پردہ نہیں کریں گے یا نہیں کرسکتے، ان کو اللہ تعالی کے ساتھ زیادہ محبت ہے یا اپنے خاندان والوں کےساتھ زیادہ ہے؟ ذرا یہیں بیٹھے بیٹھے ایمان کا محاسبہ کیجئے اور فیصلہ کیجئے کہ ایمان کس درجہ میں ہے؟ بات کچھ دل میں اتر رہی ہے؟ اللہ کرے اتر جائے، اللہ تعالی نے معیار بتا دیا کہ مؤمن وہ ہے جس کو اللہ تعالی کے ساتھ پوری دنیا کی بنسبت زیادہ محبت ہو، مگر لوگوں کی اکثریت ایسی ہے کہ انہوں نے بہت سے اللہ بنا رکھے ہیں،انہیں اللہ تعالی کے ساتھ اتنی محبت نہیں جتنی دوسرے خداؤں کے ساتھ ہے، خاندان کے ساتھ محبت کی وجہ سے اللہ تعالی کو ناراض کیا جا رہا ہے، تو بتائیے کہ ایمان کہاں ہے؟
N.W.F.P PAKISTAN