|
|
( 6 ) بعض لوگ کہتے ہیں کہ ہم کئی بھائی یا بہت سے رشتہ دار ایک ساتھ ایک ہی مکان میں رہتے ہیں ، الگ مکان لینے کی گنجائش نہیں اس لئے پردہ مشکل ہے ۔
اس کا جواب یہ ہے کہ شرعی پردہ کے لئے الگ مکان لینے کی کوئی ضرورت نہیں ، شریعت بہت آسان ہے ، اللہ تعالی کی رحمت اپنے بندوں پر بہت وسیع ہے ، وہ بندوں کو تکلیف اور تنگی میں مبتلا نہیں کرنا چاہتے ، بلکہ راحت و سہولت میں رکھنا چاہتے ہیں ، شرعی پردہ کے بارے میں ان کی دی ہوئی سہولتوں اور کرم نوازی کی تفصیل سنیں ، رحمت ہی رحمت ہے ، رحمت ہی رحمت ، سراپا رحمت ، اگر کسی کے دل میں ذرہ بھر بھی احساس ہو تو اس رحیم و کریم کی مہربانیوں ، کرم نوازیوں اور احکام میں دی ہوئی سہولتوں پر قربان ہوجائے اور مر مٹنے کے لئے بے تاب ہوجائے ، یا اللہ ! تو سب کے دلوں کو احساس اور محبت سے منور فرما، شکر نعمت سے معمور فرما ، ناقدری اور ناشکری سے حفاظت فرما، تیری وہ رحمت جس کی وجہ سے تو نے ایسے آسان احکام دیئے ، اسی رحمت کے صدقہ سے تجھ سے شکر نعمت کی توفیق طلب کرتے ہیں ، سب کے دلوں پر اپنی وہی رحمت نازل فرما ۔
N.W.F.P PAKISTAN