|
|
( 4 ) بعض عورتیں کہتی ہیں کہ ہم نے فلاں فلاں سے مدت تک پردہ نہیں کیا ، ان کے سامنے آتے رہے ، وہ ہماری شکل و صورت کو خوب اچھی طرح دیکھ چکے ہیں ، اب ان سے پردہ کرنے کا کیا فائدہ ؟ یا کہتی ہیں کہ جوانی میں تو پردہ کیا نہیں اب بڑھاپے میں کیا پردہ کریں ؟ یہ بھی بے سمجھی کی بات ہے ، اگر کوئی سالہا سال کسی گناہ میں مبتلا رہے تو وہ گناہ اس کے لئے حلال نہیں ہو جاتا ، بلکہ اس پر تو فرض ہے کہ اور بھی زیادہ توجہ سے مالک کے سامنے خوب گڑ گڑا کر توبہ کرے ، ساری عمر گناہوں میں گذار دی تو اب بڑھاپے میں جبکہ قبر میں پہنچنے والے ہیں ، حساب و کتاب بہت قریب ہے، بہت جلد ہی مالک کے سامنے پیشی ہونے والی ہے ، اب تو توبہ کر لو
ظالم ابھی ہے فرصت توبہ نہ دیر کر
وہ بھی گرا نہیں جو گرا پھر سنبھل گیا
N.W.F.P PAKISTAN