|
|
بعض لوگ یہ کہہ دیتے ہیں کہ یہ مسئلہ تو ہم نے پہلے کبھی سنا ہی نہیں ، سنیں بھی کیسے ؟
انہوں نے دین کب سیکھا ہے رہ کر شیخ کے گھر میں
پلے کالج کے چکر میں مرے صاحب کے دفتر میں
وہ ایسےکہہ دیتے ہیں جیسے پیدا ہونے کے بعد سے کسی خانقاہ میں پلتے رہے ہوں ، بیس سال دینی مدرسہ میں اور پچیس سال گذار دئیے خانقاہ میں اور علماء کی صحبت میں بیٹھ کر مسئلے سیکھتے رہے ، اور کتنی ہی کتابیں ہم نے مسائل کی پڑھ ڈالیں ، پھر بھی ہم نے یہ مسئلہ نہیں سنا ، کوئی ایسی بات ہوتی تو کوئی کہے بھی ، ذرا سوچئے ! زندگی کیسے گذر رہی ہے ؟ بے دین لوگوں کو چھوڑئیے ، دیندار لوگوں کو بھی مسئلہ پوچھنے کی توفیق ہوتی ہے ؟ اور پوچھیں گے تو کیا ؟ ''وراثت ۔''والد کا انتقال ہو گیا ہمیں وراثت میں کتنا حصہ ملے گا ؟ یا پوچھیں گے '' طلاق۔''تین طلاقیں دے کر بیوی خود ہی حرام کرلی پھر ہم سے پوچھنے آتے ہیں ، بھلا ہم حرام کو کیسے حلال کر دیں ؟ بس یہی دو مسئلے رہ گئے ہیں ، وراثت کا اور طلاق کا ، باقی اسلام سے کوئی مطلب نہیں ، سو ان لوگوں کو کیا معلوم کہ مسائل کیا ہوتے ہیں ، ہاں جب ان کو مسئلہ بتائیں تو کہتے ہیں کہ یہ مسئلہ تو ہم نے کبھی سناہی نہیں ، سنو گے کب ؟ جب دل میں اللہ تعالی کا خوف نہیں ، آخرت کی فکر ہی نہیں تو مسئلہ کیسے سنو گے ؟
N.W.F.P PAKISTAN